ଜଗଜ ନାୟକ - ଅଶ୍ୱିନ କୁମାର ବେହେରା

ସମୁଦ୍ରରେ ଏକ              ଢେଉ ମାଡ଼ିଆସେ

              ବିଷାଦ ସୂଚନା ନେଇ

ସେଇ ସୂଚନାକୁ            ଶୁଣିକି ଲୋକେ ଯେ

              କାଳିଆ ପାଖକୁ ଯାଇ ।  

କାଳିଆ..କାଳିଆ            ଡାକି ଭକ୍ତଗଣ

            ସାହାଯ୍ୟର ଭିକ୍ଷା ପାଇଁ 

କାଳିଆ ତ ଏବେ           ନୀରବ ରହିଲା

             କିଏ ହେବ ଆଉ ସାଇଁ । 

କାହିଁକି ଉତ୍ତର              ଦେଲାନି କାଳିଆ

            ଭାଳି ହେଲା ମନ ଏଇ

ନିରାଶ ମନରେ            ଭକ୍ତ ଫେରିଯାଏ

            କାଳିଆ କୁ ଗାଳି ଦେଇ । 

କିଛି ଶୁଣୁନି ସେ             କିଛି ବୁଝୁନି ସେ

            ତା ପାଇଁ ଫରକ ନାହିଁ 

ସିଂହାସନରେ ଯେ            ବଡ଼ ଆଖି କରି

             ବସିଛି କେବଳ ଚାହିଁ ।

କାଳିଆ ଯେ ଆମ            ଜଗତ ନାୟକ

             କିଏ ବା ନ ଜାଣେ ତାକୁ

ନିରାଶ କରେନି              ପରୀକ୍ଷା ନିଏ ସେ 

             ପ୍ରିୟ ସେ ଭାବେ ଯାହାକୁ ।

ଭକ୍ତ ସହ ଯିଏ               ଖେଳିବାକୁ ଚାହେଁ

             ଭକ୍ତ ଭଗବାନ ଖେଳ

ବଡ଼ଦାଣ୍ଡରେ  ଯେ        ରହିବ ତା ପାଇଁ            

             ଭକ୍ତଙ୍କର ସଦା ମେଳ ।

ଅଶ୍ୱିନୀ କୁମାର ବେହେରା 

ରାଣୀହାଟ, କଟକ।

ଫୋନ ନମ୍ବର-9040177084