ବର୍ଷା - ବାସନ୍ତୀ ଲତା ଜେନାଙ୍କ ରଚନାରୁ

ଅନନ୍ତ ଧରଣୀ ରୋୖଦ୍ରର ପ୍ରକୋପେ 

      ହନ୍ତ ସନ୍ତ ହେଉ ଥିଲା 

ଆଦ୍ୟ ଅଷାଢ଼ରେ ବାଦଲ ଘୋଟିଲା 

    ଥଣ୍ଡା ପବନ ବହିଲା    l1l 

ବର୍ଷା ରାଣୀ ଆସେ ମେଘ ପାଲିଙ୍କିରେ 

     ଝରି ଗଲା ବୁନ୍ଦା ବୁନ୍ଦା 

ଚଉଦିଗେ ବାଆ ଶୀତଳ ବହିଲା 

     ଲାଗେ ଭାରି ପ୍ରିତି ଛନ୍ଦା   l2l 

ବିଜୁଳି ହସିଲା ନୀଳ ଆକାଶରେ 

     ବାଦକ ବଜାଏ ବାଜା 

ଘଡ଼ ଘଡି ଶବ୍ଦ କାନ ତଡା କରେ 

       ସାରୁ ବୁଦେ ବେଙ୍ଗ ରଜା  l 3l 

ଓଳିରୁ ଝରିଲା ଝର ଝର ପାଣି 

      ଫୋଟକା ତ ଅସୁମାରୀ 

ମନ ନାଚି ଉଠେ ଫୋଟକାକୁ ଦେଖି 

      ହାତେ ଧରେ ସୁକୁମାରୀ   l 4l 

ନବ ପଲ୍ଲବରେ ପଲ୍ଲବିତ ହୁଏ 

     ଶୁଷ୍କ ଲତା ତରୁ ଗଣ 

ସବୁଜିମା ହୁଏ ବସୁମତୀ ରାଣୀ 

      କୃଷକ ମନ ଉଚ୍ଛନ     l 5l 

କୃଷି କାମ କରେ ମନ ଆନନ୍ଦରେ 

      ହଳ ଲଙ୍ଗଳ ତା ସାଥି 

ରୁଆ ପୋତା କରେ କ୍ଷେତକୁ ସଜାଡ଼େ 

       ଚାଷରେ ଯାଏ ସେ ମାତି   6l 

ନଦୀ ପୋଖରୀରେ ପାଣି ପୁରି ଯାଏ 

     ଦିଶୁ ଥାଏ କି ସୁନ୍ଦର 

ତଟିନୀର ପାଣି ସୁଅ ଧାର ଛୋଟେ 

     ମିଶିବ ଯାଇ ସାଗର    l 7l

ବର୍ଷରେ ଫୁଟେ କଦମ୍ଭ କେତେକି 

      ନିଆଳି ମଧୁ ମାଳତୀ 

ଲାଉ କଖରୁରେ ବାଡ଼ି ପୂରି ଉଠେ 

     ପରିବାରେ କେତେ ଜାତି   l 8l

ବନ ଗହନରେ ମୟୂର ନାଚନ୍ତି 

      ପୁଛକୁ ମେଲାଇ ଦେଇ     

ସାଧବ ବହୂଏ ନାଲି ଶାଢ଼ୀ ପିନ୍ଧି 

     ଚାଳୁଥାନ୍ତି ଧାଡ଼ି ହୋଇ   l 9l 

ଇନ୍ଦ୍ର ଧନୁ ଦିଶେ ପଶ୍ଚିମ ଆକାଶେ 

      ଏହାକି ସୁନ୍ଦର ସତେ 

ସପ୍ତ ରଙ୍ଗ ଦିଶେ ଆକାଶ ମାର୍ଗରେ 

      ପିଲାଏ ଦେଖନ୍ତି କେତେ  l 10l 

ରିମ ଝିମ ବର୍ଷା ମନ ମୋହିନିଏ 

      ଝିଙ୍କାରିର ଝିଇଁ ଝିଇଁ ସ୍ୱର 

ବର୍ଷାର ପରବ ଗହ୍ମା  ରଥଯାତ୍ରା 

      ମନ ମୋହି ନିଏ ମୋର   l 11l 

ନଦୀ ବଢି ହେଲେ କ୍ଷୟ କ୍ଷତି ଘଟେ 

    ତଥାପି ମଙ୍ଗଳ କାରୀ 

ବରଷା ବିହୁନେ ସୃଷ୍ଟି କି ରହିବ 

     ଅଧିକେ ପ୍ରଳୟ କାରୀ   l 12l 

ବାସନ୍ତୀ ଲତା ଜେନା 

ନବରଙ୍ଗପୁର . Mo :8658655979