ପ୍ରତ୍ୟାଶା - ବାସନ୍ତୀ ଲତା ଜେନା

ପ୍ରତ୍ୟାଶା ଯେଉଁଠି ତୃପ୍ତି ମିଳେ ସେଠି 

    ଆଶାର କାମନା ନାହିଁ 

ନିଃସ୍ଵାର୍ଥର ସେବା ଚିର ଶାନ୍ତି ଦିଏ 

     ଅଭିଳାସ କିଛି  ନାହିଁ   l୧l

ତାମସାକୁ ଦୂର କରିଥଏ  ସୂର୍ଯ୍ୟ 

      ସୁନେଲି କିରଣ ଦେଇ 

ଜୁଳୁ ଜୁଳିଆଟି ଛୋଟା ପ୍ରଣୀ ସିଏ 

      ଆଲୋକିତ କରେ ମହି     l୨ l

ନଦୀ ଝରି ଆସେ ପାହାଡ଼ ବକ୍ଷରୁ 

      କେତେ ବାଧା ବିଘ୍ନ ସହି 

ସମସ୍ତଙ୍କୁ ଜଳ ପାନ କରାଏ ସେ 

      ପ୍ରତ୍ୟାଶାର ଆଶା ନାହିଁ   l୩l

ବୃକ୍ଷ ଦିଏ ଫଳ ଜନ ମlନସକୁ 

      ପରହିତ କରି ଥାଏ 

ପାନ୍ଥଶଳାଟିଏ ନିର୍ଜୀଵ ହୋଇବି 

       ପରସେବା କରୁ ଥାଏ     l୪l

ଚନ୍ଦ୍ର ଦେଇ ଥାଏ ଶୀତଳ ଜ୍ୟୋଛନl 

      ସଭିଙ୍କର ପ୍ରିୟ ସେହି 

ସମୀର   ଦିଅଇ   ସୁମୃଦୁମଳୟ 

      ପ୍ରତ୍ୟାଶା ତ କରେ ନାହିଁ  l୫l

ବସୁମତୀ ଦିଏ ଫୁଲ ଫଳ ଭରି 

       ବନ ଗହନ କାନନ 

ପରୋପକାରରେ ସଦା ସିଏ ଥାଏ 

       ପାଳେ ନିଜର ସନ୍ତାନ   l୬l

ମୁନି ଜ୍ଞାନୀ ଜନ ସାଧନା କରନ୍ତି 

       ପ୍ରତ୍ୟାଶାର ସୁଖ ପାଇଁ 

ହରି କୀର୍ତ୍ତନରେ ଦିନ ବିତାୟନ୍ତି 

       ମୁକ୍ତି ପଥ ଚାହିଁ ଚାହିଁ    l ୭l

ବାସନ୍ତୀ ଲତା ଜେନା 

ଗାନ୍ଧିନଗର, ନବରଙ୍ଗପୁର  l