ଜଳ ହିଁ ଜୀବନ - ସନ୍ଧ୍ୟାରାଣୀ ବେହେରା

  ପାଣି ପାଣି କହି ଚିତ୍କାର କରିଲେ

         ପାଣିତ ମିଳିବ ନାହିଁ

ଗଛ କାଟି ସବୁ ସଫା କରିଦେଲେ

       ବରଷା ହୋଇବ କାହିଁ  ||୧||

ଜଳ ବିନା ଏଠି ଜୀବନଟା ସତେ

     ବଞ୍ଚି ତା ପାରିବ କୁହ

ଏମିତି ସମୟ ଆସିବ ତ ଦିନେ

        ପିଇବା ଆଖିର ଲୁହ  ||୨||

ଜଳ ର ସଞ୍ଚୟ ଅତ୍ୟନ୍ତ ଜରୁରୀ

        ମେଣ୍ଟାଇବା ଆମ ତୃଷ୍ଣା

ବୁନ୍ଦାଏ ଜଳ କୁ ପାଇବା ପାଇଁକି

     କେବେ ଉଡିଯିବ ହଂସା  ||୩||

ଗଛ ଲଗାଇଲେ ବରଷା ହୋଇବ

           ଆମକୁ ମିଳିବ ଜଳ

ହେଳାକରିଦେଲେ ଭେଳା ବୁଡିଯିବ

          କାହୁଁ ବା ମିଳିବ ଫଳ  ||୪||

ବେଳ ଥାଉଁ ଥାଉଁ ଜଳ କୁ ସଞ୍ଚିବା

       ସୁରକ୍ଷା ରେ ଦେବା ଦୃଷ୍ଟି

ଜଳ ହିଁ ଜୀବନ ଭୁଲିବାନି ବନ୍ଧୁ

         ଜଳ ଆମ ହାତେ ସୃଷ୍ଟି  ||୫||

ସନ୍ଧ୍ୟାରାଣୀବେହେରା

      କୁପାରି ,ବାଲେଶ୍ୱର