ଛବି କଥା କହେ - ଜିତେନ୍ ସିଂ

ଶିଳ୍ପୀ ର ଶ୍ରମ ରେ ଶିଳା ର ପ୍ରହାରେ 

                 ନୂତନ ରୂପ ଯେ ନିଏ, 

ଶତ ଶୀର୍ଷକ ର ମନ ଜିଣି ନେଇ 

                 ସୁକୁମାର ମୂର୍ତ୍ତି ଦିଏ ll

ସଂସାର ରଥ କୁ ଟାଣିବା ପାଇଁ 

              ହସ୍ତ ରେ ଧରିଲ ତୁଳି, 

ବୃଦ୍ଧ ଅବସ୍ଥା ରେ ନାହିଁ କେ ସହାୟ

            ସପ୍ନ କୁ ତ ଦେଲ ବଳି ll

ବାଲ୍ୟକାଳେ ଯେବେ ବାଲିମୃତ୍ତି ଗଢି

              ଖେଳୁଥିଲ ହୋଇ ଖୁସି, 

ବିଶ୍ରାମ କାଳ ରେ ପରିବାର ପାଇଁ 

                  ପ୍ରତିମା ଗଢୁଛି ବସି ll

ତୁମରି ବିଦ୍ୟା ରେ ତୁମ ରୂପ ଗଢି 

                  ଚଳୁଛି ମୁଁ ଆଜୀବନ, 

ବଞ୍ଚିବା  ର ମାର୍ଗ ଦେଖାଇ ଦେଲ ଯେ 

                  ଗଜପତି ଗଜାନନ ll

ସରି ଯାଉଅଛି ଜୀବନ ନାଟକ 

               ସରୁନି ଶ୍ରମ ରୁ ମୁକ୍ତି, 

କୋଟି ଭକତ ଙ୍କ ମନ ଜିଣି ବାର 

              ଦେଉଥିବ ନିତ୍ୟ ଶକ୍ତି ll

ଧନ୍ୟ ଏ ମହୀରେ ଅପାର ମହିମା 

              ବିହି ଗଢେ କେବେ ନର, 

ନର ଗଢେ କେବେ ବିହି ର ପ୍ରତିମା 

            ପାଇ ଯେ ଜ୍ଞାନ ର ବର ll 

                         ଜିତେନ୍ ସିଂ 

                 ମୟୁରଭଞ୍ଜ