ଛବି କଥା କହେ - ହରିହର ଭୁକ୍ତା

  ଆପଣା ଶୈଶବ    କପାଳ ଲିଖନ

        ବିଧାତା  ସୃଜିଲ କାହିଁ

  ପିତା ମାତା ନାହିଁ    ଦୁହେଁ ତ' ଅନାଥ

       ଦାଦନ ଖଟୁଛି ମୁହିଁ  

       ଈଶ୍ବର ଦିଅ ବତାଇ

 ମୋ' ଶୈଶବ କଥା ବୁଝି ପାରେ ନାହିଁ 

      କୋଳେ ମୋର କୁନି ଭାଇ ।

  ନୀଡ ଭାଙ୍ଗି ଯେବେ     ପବନେ ଉଡଇ

           ବୃକ୍ଷର କି' ଅବା ଦୋଷ

  ପିତା ମାତା ଦୁହେଁ      ଗଲେ ଆରପାରି

           ଓଠରୁ ଛଡାଇ ହସ

           ଅନାଥ ରୁପେ ବେହୋସ

     ପଥର ଖଣିରେ କର୍ମ ଜୀବି ମୁହିଁ 

            ଦେଖିବାକୁ ଭାଇ ହସ    ।

    ଝାଞି ଖରା ଦେହେ     କ୍ଲେଶ  ଦିଏ ବହୁ

              ଝାଳ ନିଗାଡି ବହୁଛି

    କାହାର ହୃଦୟ    ବିଶାଳ କି' ନୁହଁ 

              ଆହା କିଏ ବା' କରୁଛି

               ଉଦର ପସି ଯାଉଛି 

       ନୁଖୁରା ଶରୀର ତୈଳ କି' ମିଳିବ

              ପଞ୍ଚ ଆତ୍ମା ମୋ' କାନ୍ଦୁଛି   ।

      ଦଇବ ପୁରୁଷ      ହୋଇଲ ନିର୍ଦୟ

               ପାଠ ପଢା  ଭୁଲି ଗଲି

      ଦି' ମୁଠା ଆହାରେ   ଦାଦନ ଖଟାଇ

               ଶୈଶବ କାନ୍ଦେ ବୋବାଳି

                ଅର୍ନ୍ନ  ପାଇଁ  କରେ କଳି

     କୁନି ହାତେ ବହି     ବସ୍ତାନି ନ'ଧରି

             ବସନ ଅସନା ମଳି  ।

 ହରିହର ଭୂକ୍ତା, 

ରାକସ,ତାଳଚେର, ଅନୁଗୁଳ 

 ଦୂରାଭାଷନଂ- 8917636422