ଛବି କଥା କହେ - ଜଗଦୀଶ ଶତପଥୀ

କାନ୍ଦୁଛି ଶୈଶବ,ନିରିମାଖି ହୃଦ

ଜନ୍ମ ହେବା ମହାପାପ।

ପଢ଼ିବା ଖେଳିବା ବୟସେ ମୋହର

ମମତା ର ବଡ ଡାକ।୧।

କିପରି ଵଂଚିବି, କାହିଁକି ବଂଚିବି

କହ ଆହେ ଜଗନ୍ନାଥ।

ମାଆ ନାହିଁ ପାଶେ, ବାପା ନାହିଁ ପାଶେ। ତୁହି ମୋହର ବିଶ୍ୱାସ।୨।

ହାତେ ମୋର ଭାଇ, ଖାଇବାକୁ ନାହିଁ। ନାହିଁ ପୁଣି ବାସସ୍ଥାନ।

ଅଲୋଡା ସଂସାର, ଅଛଵ ଏ ପ୍ରାଣ

ନିଅ ମୋର ପ୍ରାଣ ଧନ।୩।

ଉପରେ ଆକାଶ, ପାଖରେ ପାହାଡ଼

ହୃଦୟ ଟା ପୁରା ଶୂନ୍ୟ।

କେହି ମୋର ନାହିଁ ସାହା ଓ ଭରସା

ତୁମେ ପରା ମହାଶୂନ୍ୟ।୪।

ଶୂନଶାନ ଭୁମି, ଶମଶାନ ପରି

କେହି ମୋତେ ରକ୍ଷା କର।

ଏ ଦାରୁଣ ଦୁଃଖ,ସହି ନ ପାରଇ

ବାରେ ମୋତେ ଦୟାକର।୫।

ଜଗଦୀଶ ଶତପଥୀ। 

ଧର୍ମଶାଳା। ଯାଜପୁର।