ନାଲି ଓଠ

ନାଲି ଯେ ଦିଶଇ ମୋ ପ୍ରିୟା ଅଧର
    ସତେକି ଗୋଲାପ ଫୁଲ
ଏ ମନ ଖୋଜଇ ପ୍ରଣୟ ସପନେ
    କରନ୍ତା କପୋଳେ ଗେଲ ॥

ଝିଲିମିଲି ଦିଶେ ତା ଚୋରା ଚାହାଣୀ
     ନିଏ ମୋ ହୃଦୟ କିଣି
ରେଶମୀ ରୂପ ତା ପ୍ରେମକୁ ଠାରୁଛି
     ମୁଁ ଏକା ପାରୁଛି ଜାଣି ॥

ନାଲି ଓଠ ତାର ହେଉଛି ଅଧିର
     ନୃତ୍ୟ କରେ ଢଳି ଢଳି
ଫୁଲେଇ ଚୁମ୍ବନ କୁହାଟ ମାରୁଛି
     ଛିଞ୍ଚୁଛି ପ୍ରେମର ଗାଳି ॥

ଚମ୍ପା କଢ଼ି ପାଦେ ଅଳତାର ଗାର
    ହାତରେ ମେହେନ୍ଦି ତାର
ନୀଳଶାଢି ପିନ୍ଧି ମୋ ପାଶେ ଆସୁଛି
     ଲଗାଇ ଗଜରା ହାର ॥

ନାଲି ଓଠେ ପ୍ରିୟା ଇସାରା ଦେଉଛି
     ସଜେଇଛି ବାସ ରାତି
ଚାନ୍ଦକୁ ଦେଖି ସେ ଲାଜେଇ ପଡ଼ୁଛି
      ଭରୁଛି ମୋ ଦେହେ ତାତି ॥

ଆଶ୍ରିତ୍ ମହାପାତ୍ର
ଟାଙ୍ଗି, ଖୋର୍ଦ୍ଧା
୯୭୭୮୮୦୮୩୩୦