ଗଣତାନ୍ତ୍ରିକ ପୋକ - ସନ୍ତୋଷ କୁମାର ଜେନାଙ୍କ ରଚନାରୁ

ଏ ସକାଳ ଆଉ ପୂର୍ବବତ୍ତ ହୋଇ ନାହିଁ

ନୀଳଅମ୍ବର ବୁକୁରେ ସୂର୍ଯ୍ୟ ଅଛି ,

ବୃକ୍ଷରାଜି ଧାଡି ବାନ୍ଧି ଠିଆ ହୋଇଛନ୍ତି ସୀମାନ୍ତ ଦେଶରେ 

ଏଣେତେଣେ ବିଚରଣ କରୁଛନ୍ତି ପକ୍ଷୀମାନେ 

ହେଲେ କାକଳିର ଧ୍ୱନି ନିଷ୍ପର୍ଣ୍ଣ ପ୍ରାୟ  !

କେଉଁଠି ଶୁଭିବ ଆଉ ସେ ଆହ୍ଲାଦ 

ପଙ୍ଗୁ ଏଠି ସ୍ଥିତି , ହସ ସବୁ ସ୍ଥାଣୁ .....

ସଂକ୍ରମିତ କରିଛି କୋକୁଆଭୟ !

ଭୋକ ବଦଳି ଏଠି ଭେକ ବୁଡ଼ିଲାଣି ।

ନିର୍ଭୟ ରେ ,

ପୋକଗଣ ଉତ୍ପାତ ହେଲଣି ....

ଶୋଷି ନେଇଚାଲିଛନ୍ତି ଶସ୍ୟକୁ 

ଫୋପାଡ଼ି ଦେଲେ କେତେଗୁଡା ଅଗାଡ଼ି 

ଯାହା ଆଜି ଏଇ ଶ୍ରମିକ ସର୍ବହରା  !

ସର୍ବେ ଭବନ୍ତୁ ସୁଖିନଃ ଗୁଣୁଗୁଣେଇ ପୋକମାନେ 

ଖୁବ ଶାନ୍ତିରେ ମଞ୍ଚରେ ଚଢନ୍ତି

ଦମ୍ଭିଲା ପଦ ଶୁଣାନ୍ତି .......

କିନ୍ତୁ ,ଦରଜ ହାତର କରତାଳି ସେମାନଙ୍କ କାନ କୁ 

ନଶୁଭିଲା ପରି ପ୍ରତ୍ୟାହାର କରିଥାନ୍ତି ।

ଶୁଭିବ ବା କେମିତି 

କାମ ଅପେକ୍ଷା କଥା 

ସେବା ଅପେକ୍ଷା ସ୍ୱାର୍ଥ 

ସେମାନଙ୍କ ପାଇଁ ଯେ ବଡ଼ ।

ସର୍ବହରା ଡାକେ ତ୍ରାହି ତ୍ରାହି ! 

ରକ୍ଷା କରିବା କୁ କେହି ନାହିଁ 

କୀଟନାଶକ ଠାରୁ ଏ ଭୟଙ୍କର 

ପୋକଗଣ ଏଠି ପ୍ରାଣନାଶକ  ।।

ଅଡ଼ଶପୁର ,କଟକ