ଛବି କଥା କହେ - ଜନ୍ମଜୟ ନାୟକ

ନିଜ କରମେ ତାଙ୍କରି ଭରସା,

ମୂର୍ତ୍ତି ଗଢିବା ତାଙ୍କରି ବେଉସା |

ପଥର ହେଉକି ହେଉ ମାଟିରେ ,

ସ୍ଥାନିତ ହୁଏ ପୂଜା ମଣ୍ଡପରେ |୧|

ଗଜାନନ ସିଏ ପାର୍ବତୀ ସୂତ,

ନରି ମଉସା ତାଙ୍କରି ଭକତ |

ପିଲାଟି ବେଳରୁ ମୂର୍ତ୍ତି ଗଢୁଛି,

ବୃଦ୍ଧ ବୟସେ ବି ସେ ନିଶା ଅଛି |୨|

ଲୋଚାକୋଚା ଚମ ଦେହ ଦୁର୍ବଳ,

ତଥାପି ବାନ୍ଧିଛି ମନରେ ବଳ|

କୋଟରାଗତ ସେ ଆଖିଯୋଡିକ,

ଲୁଚେଇ ରଖିଛି ଦୁଃଖ ଅନେକ |୩ |

ସ୍ୱାବଲମ୍ବୀ ହୋଇ କମାନ୍ତି ଧନ,

କୌଳିକବୃତ୍ତିରେ ବନ୍ଧା ଜୀବନ |

ଏ କର୍ମେ ତାଙ୍କ ଜୀବନ ସାର୍ଥକ,

ପ୍ରସ୍ତର ଗାତ୍ରେ ବିଘ୍ନ ବିନାଶକ |୪|

ନିରିମାଖି ଭାବର ପରକାଶ,

ଜୀବନ୍ତ ପାଇ ତୂଳୀର ପରଶ |

ଉତ୍କଳର  ସେ ଉତ୍କର୍ଷ କଳାର,

ବଜାୟ ରଖିଛି ସେ କାରିଗର |୫|

ମନ ପ୍ରାଣେ ଗଢି ପୂଣ୍ୟ ପାଉଛି,

ଟଙ୍କାପଇସା ର ଲୋଭ ଭୁଲିଛି |

ଅନନ୍ୟ ସୃଷ୍ଟି ତାଙ୍କ ହସ୍ତରେ,

ପ୍ରଭୁ ଗଢିବାର କଳା ଧନ୍ୟରେ |୬|

ଜନ୍ମଜୟ ନାୟକ

ଗଣିତ ଶିକ୍ଷକ

ଚିଲିକା ନୋଡାଲ୍ ହାଇସ୍କୁଲ୍

ପୁରୀ