ଗାଁ ମୋର ଗାଁ,କି ସୁନ୍ଦର ତା ନାଁ
ଏଠି ସୁଲୁ ସୁଲୁ ପବନ ବୋହେ
ନଈ କୁଲୁ କୁଲୁ ଗୀତ ଗାଏ |
ମଖମଲ୍ଲୀ ଫୁଲ ଖିଲି ଖିଲି ହସେ
ରଜନୀ ଗନ୍ଧାଟି ମହକ ମହକ ବସେ |
ସୁରୁଜ ବୁଡଇ ଆଶାର ମୁରୁଜ
ପବନ ବଜାଇ ଵୀଣା
ଗାଁ ମୋର ଗାଁ,କି ସୁନ୍ଦର ତା ନାଁ |
ତା ଛାତିରେ ପାଦ ଥାପି ଚାଲି ମୁଁ ଶିଖିଲି
ଗାଁ ଦାଣ୍ଡେ ଉଡାଇଲି କେତେ ଧୂଳି ବାଲି |
ତା ବଣ ପାହାଡ଼ ବିଲ ନଈ କୂଳେ
ଖେଳିଛିୁଁ ଯେ ମୁଁ କେତେ ଲୁଚକାଳି |
ତା ନଈ ପୋଖରୀ ଗାଡ଼ିଆ ପାଣିକୁ
କଲି ଯେ ମୁଁ କେତେ ଗଳି |
କେବେ ହେଲେ ସତେ କେବେ ବି ରାଗେନି
କବେ ହେଲେ ସତେ ପଦେ ବି କହେନି |
ସେ ପରା ଆମରି ମାଁ
ଗାଁ ମୋର ଗାଁ, କି ସୁନ୍ଦର ତା ନାଁ |
ସଞ୍ଜ ହେଲେ ଆକାଶରେ ଜହ୍ନ ମାମୁଟି ହସେ
ଦୂର କୁଡ଼ିଆରୁ ଧୋରେ ବାଇଆ ଗୀତ ଭାସି ଆସେ |
ବସନ୍ତ ଆସିଲେ ଆମ୍ବଗଛ ଡାଳେ
କୋଇଲି କୁ କୁ ଗୀତ ଗାଏ |
ଗପ ଶୁଣୁ ଶୁଣୁ ଆଈ ମାଁ କୋଳରେ
କୁନା କାନ୍ଦୁଥିଲେ ଶୋଇପଡେ |
ଗାଁ ପୋଖରୀ କାଚଫେସୁ ପାଣି
ଗାଁ ସୁନ୍ଦରୀର ସେ ବାଙ୍କ ଛାଣି |
କରିଛି ମୋତେ କିମିଆ
ଗାଁ ମୋର ଗାଁ, କି ସୁନ୍ଦର ତାର ନା |
ଶୁଭମ ବେହେରା
ମହାଲକ୍ଷ୍ମୀ ପୁର
ମୋ-7855861526
0 Comments