ପାଦର ପାଉଁଜି - ରାମ ଚନ୍ଦ୍ର ପ୍ରଧାନ

ପାଗଳ କରୁଛି  ତୋ ପାଦ ପାଉଁଜି 

ନିତି ସପନରେ ଆସି 

ନିଃଶବ୍ଦ ରାତିରେ ନିଦ ମୋ ଭାଙ୍ଗଇ 

ଶୟନ ଶେଜରେ ବସି l

ରୁଣୁଝୁଣୁ ତା'ର ପାଦର ପାଉଁଜି 

ବିମୋହିତ ମୋତେ କରେ 

ସାତ ସୁରର ତା' ନୀରବ ରାଗିଣୀ 

ମୋତେ ତ ଝୁରେଇ ମାରେ l

ପାଉଁଜି ଲଗା ତା' ପାଦ ଶବ୍ଦ ଶୁଣି 

ମନେ ଖେଳେ ଶିହରଣ 

ତା' ମିଠା ସ୍ମୃତିରେ ନିଦ ହଜି ଯାଇ 

ଶୁଭେ ଖାଲି ଗୁଞ୍ଜରଣ l

ପାଉଁଜି ପିନ୍ଧିଲେ ଲାଗୁଥାଏ ସିଏ 

ସତେ ଅବା ରାଜକନ୍ୟା 

ବିନା ବରଷାରେ  ଶ୍ରାବଣୀ ସାଜି କି'

ତୋଳେ ସେ ପ୍ରେମର ବନ୍ୟା l

ଆଜି ବି ତ ମୁହିଁ ଆନମନା ହୁଏ 

ତା' ପାଉଁଜି ଶବଦରେ 

ଅପରାହ୍ନ ଲାଗେ ପାହାନ୍ତିଆ ପରି 

କେଜାଣି କାହିଁ ମୋତେରେ l

ରାମ ଚନ୍ଦ୍ର ପ୍ରଧାନ, ଶିକ୍ଷକ 

ସାନ୍ତରାପଲ୍ଲୀ, ଗଞ୍ଜାମ 

ମୋ:9861638736