ପାଦର ପାଉଁଜି - ଶ୍ରଦ୍ଧାଞ୍ଜଳି ପଣ୍ଡା

ହୃଦ କନ୍ଦରରେ ସ୍ପନ୍ଦନ ଯେସନେ 

ବିଚଳିତ କରେ ଚିତ୍ତ 

ପାଦ ପାଉଁଜିର ରୁଣୁଝୁଣୁ ଶବ୍ଦେ

ମନ ହୁଏ ପ୍ରଫୁଲ୍ଲିତ ll1ll

ଗୋରା ପାଦେ ଯେବେ ପିନ୍ଧିଥାଏ ପ୍ରିୟା 

ଘୁଙ୍ଗୁର ଲଗା ପାଉଁଜି 

ପ୍ରେମିକ ହୃଦୟ ଆନ୍ଦୋଳିତ କରେ 

ପାଉଁଜିର ଶବ୍ଦ ରାଜି ll2ll

ଲୋହିତ ରଙ୍ଗର ଅଳତା ଗାରକୁ 

ରୂପା ପାଉଁଜି ପାଦରେ 

ପାଦ ଯୁଗଳକୁ ଦେଖିଦେବା କ୍ଷଣି 

ମନ ତ ଅସ୍ଥିର ଧରେ ll3ll

ହଳଦୀ ଟିକିଏ ମାଖି ଦେଲେ ପାଦେ 

ବହୁତ ସୁନ୍ଦର ଦିଶେ 

ରୁଣୁଝୁଣୁ ଶବ୍ଦ ପ୍ରେମିକ ହୃଦକୁ 

ବାରମ୍ବାର ଖାଲି ଦଂଶେ ll4ll

ଭାବ ବିହ୍ୱଳିତ ପ୍ରେମିକ ହୃଦୟେ 

ଭରେ ଅସ୍ତରଙ୍ଗ ପ୍ରୀତି 

ଛମ୍ ଛମ୍ ଶବ୍ଦ କିମିଆ କରଇ 

ଉନ୍ମାଦନା କରେ ମତି ll5ll

ହାତେ ଚୁଡ଼ି ପାଦେ ପାଉଁଜି ପିନ୍ଧିଲେ 

ପ୍ରିୟା ସୁନ୍ଦର ଦିଶଇ 

ସ୍ଵର୍ଗର ଅପ୍ସରୀ ସୌନ୍ଦର୍ଯ୍ୟେ କମନ୍ତି 

ପାଉଁଜି ଯେବେ ପିନ୍ଧଇ ll6ll

ଶ୍ରଦ୍ଧାଞ୍ଜଳି ପଣ୍ଡା 

ସମ୍ପାଦିକା କେଦାର ଭାରତୀ ସାହିତ୍ୟ ପତ୍ରିକା