ଛବି କଥା କହେ - ସ୍ନିଗ୍ଧା ସାମନ୍ତରାୟ

ମହତ ଉଦ୍ଧେଶ୍ୟ ମନରେ ରଖିବ

ଏକାରେ କାର୍ଯ୍ୟଟି ନିଅଣ୍ଟ ହେବ

ଛଅଜଣଙ୍କ ପ୍ରହସନର ଭାଵ

ସତେ ଏମାନଙ୍କୁ ଉପାଧି ମିଳିବ ।

ଶିଶୁ ଶ୍ରମିକ ଦ୍ୱାରା ଗର୍ତ୍ତ ଖୋଳାଇ

ବାବୁଙ୍କ ଦେହେ ମାଟିଦାଗ ନଲାଗଇ

ଫେସବୁକ ରେ ଫୋଟଟି ଲଗାଇ

ନିଜର ପ୍ରଶଂସା ଚାରାଟି ରୋପଇ ।

ପାଠ ପଢା ପିଲାକୁ କାର୍ଯ୍ୟ କରିଲ

କେଉଁ ମହାନତା ପୂଣ୍ୟଟି ଅର୍ଜିଲ

ଜୀଇଁବା ପାଇଁକି ଖାଦ୍ୟକୁ ନଦେଲ

ହାକିମ ଭାବି କୋଦାଳ ଧରାଇଲ ।

ପ୍ରଦୂଷଣ ମୁକ୍ତ ହେବ ପରିବେଶ

ଗଛ ବନ୍ଧୁ ସଖା ଥିଲେ ଆମ ପାଶେ

ଜୀବନ ବଞ୍ଚାଏ ଅମ୍ଳଜାନ ଶ୍ୱାସେ

ଅଙ୍ଗାରକାମ୍ଳ ଆମଠାରୁ ହିଁ ଶୋଷେ ।

ଛୋଟ ଚାରାଟିକୁ ଯତନେ ରୋପିଲେ

ମହାନ ଦାନ ବୃକ୍ଷର ଫୁଲ ଫଳ

ପରଉପକାରୀ ଛାୟା ସୁଶୀତଳ

ଗଛ ଲଗାଇ ଜଳ ଦେଲେ ତା ମୂଳେ ।

ସ୍ନିଗ୍ଧା ସାମନ୍ତରାୟ

, ଚୁନଭାଟି, ଗୋପାଳ ଗାଁ,ବାଲେଶ୍ଵର ।