ଛବି କଥା କହେ - ଜୟଶ୍ରୀ ମେହେର

ଚୈତ୍ର  ସକାଳରେ ମନ୍ଦ ମନ୍ଦ ପବନରେ ମଧ୍ୟ 

ବୋହିଯାଉଅଛି ମୋର ଦେହରୁ

ଗମ୍ ଗମ୍ ଝାଲ।

ଦେଖିଦେଲା ପରେ ସେଇ 

ଅଚିନ୍ତନୀୟ ଦୃଶ୍ୟ ।

 ଖରାର ତାତିରେ ସମସ୍ତେ

ଘରେ ଶୋଇଥିଲା ବେଲେ

ନିରୀହ ଶିଶୁ ଦୁଇଟି

ପଡି ରହିଛନ୍ତି ରାସ୍ତା କଡରେ ।

ନାହିଁ ତାଙ୍କ ପାଖେ 

ଟାଣୁଆ ଖରା ଦାଉରୁ ରକ୍ଷା ପାଇବା ପାଇଁ

ଚାଳଛପର ଘର ।

ନିଜର ଫୁଙ୍ଗୁଳା ଦେହକୁ ଢାଙ୍କିବା ପାଇଁ 

ନାହିଁ ତାଙ୍କ ପାଖେ ବସ୍ତ୍ର ।

ମାଆ ବାପା ଛେଉଣ୍ଡ ସେଇ 

ପିଲା ଯୋଡିକ ପାଖେ

ରହିବା ପାଇଁ ନାହିଁ ଆଜି ଏକ ଚାରିକାନ୍ଥ ।

ଖୋଲା ଆକାଶ ତଳେ 

ଆଶ୍ରା ନେଇ ବିତାଉଛନ୍ତି ତାଙ୍କର ଜୀବନ ।

କଣ ଭୁଲ ଥିଲା ସେଇ

ନିରୀହ ପିଲା ଯୋଡିକର 

ଗରୀବ ଘରରେ ଜନ୍ମ ହେବା କଣ 

ତାଙ୍କର ଭୁଲ ଥିଲା ।

ଶୁଣିଦେଲା ପରେ ଏଇ 

ହୃଦୟ ବିଦାରକ ଘଟଣା

ମୋର ଦେହରୁ

ସ୍ବେଦ ର ଧାରା ବୋହିଯାଉଅଛି ।

ଜୟଶ୍ରୀ ମେହେର

ବନୁପାଲି