ଛବି କଥା କହେ - ଛବିରାଣୀ ପତି

ରୀଦ୍ଧି ସିଦ୍ଧି ଦାତା ଜ୍ଞାନର ବର୍ତ୍ତିକା

ଆହେ ପ୍ରଭୁ ଲମ୍ବୋଦର

ବିଦ୍ୟାର ବାହକ ବୁଦ୍ଧି ଦାତା ତୁମ

ମାତା ଶୈଳ ପିତା ହର ।

ତବ ଜନ୍ମ୍lତିଥ୍ୟେ ଭାଦ୍ରବ ଆତିଥ୍ୟେ

ହେଉ ଆମେ ସଜବାଜ

ଶରତର ଶୁଭ ଶାରଦୀୟ ତୁମେ

ଆସ ଅଗ୍ରପୂଜ୍ୟ ଆଜ ।

ଅବତର ପୁଣି ସ୍ଵର୍ଗରୁ ମର୍ତ୍ତ୍ୟକୁ

ମୁର୍ଖ ଙ୍କ ଉତ୍ଥାନ ପାଇଁ

ବିଦ୍ୟାଳୟ ଆଉ ବାଣିଜ୍ୟ ପ୍ରତିଷ୍ଠା

ହସେ ଖିଲିଖିଲି ହୋଇ ।

ତୁମ ଆବାହନେ କେତେଯେ ମଉଜ

କରିଥାଉ ଆମେ ସଭିଁ

ନୂଆ ବସ୍ତ୍ର ପିନ୍ଧି ସାଥିହୋଇ ବୁଲୁ

ଭୋଜି ପିଠା ପଣା ଗେବି ।

ନାନା ରକମର ଜରି ପତକା ଓ

ଶାଢୀ ଫୁଲ ଆଉ ଫଳେ

ସୁସଜ୍ଜିତ କରୁ ମଣ୍ଡପ ଆସ୍ଥାନ

ଆପଣା ସକ୍ଷମ ବଳେ ।

ବହି ଖାତା ଖଡ଼ି କଲମ ପେନସିଲ

ବସାଉ ସଜ ଯେ ଆମେ

ନିବିଡ ଭକ୍ତିରେ ପୁଷ୍ପାଞ୍ଜଳି ଦେଉ

ସାକ୍ଷୀ ଅଛ ପ୍ରଭୁ ତୁମେ ।

ପୂଜା ନୈବେଦ୍ୟରେ ଭକ୍ତିଅର୍ଘ୍ୟ ଦେଇ

ମାଗିଥାଉ ବିଦ୍ୟା ବୁଦ୍ଧି

ଶାନ୍ତ ସରଳ ଏ ପାପୁଲିରେ ଆମ

ଢ଼ାଳି ଦିଅ ସବୁ ସିଦ୍ଧି ।

ନିଷ୍କପଟ ହୃଦେ ବାଢି ଦେଇଥାଉ

କୁନି ଆଶା ଅଭିଳାଷା

ମନୋରଥ ସବୁ ପୂର୍ଣ୍ଣ କରିଦିଅ 

ନିଷ୍ଠାରେ ଭରି ଜିଜ୍ଞାସା ।

ସକାଳରୁ ସଞ୍ଜ ହୋଇଯାଏ ହେଲେ

ମନ ତ ଭରେନା ଟିକେ

ତୁମ ପ୍ରତିଛବି ମନ ତଳେ ଜାକି

ଘର ବାହୁଡ଼ା କୁ ହାକେ ।

ଭାରି ଦୁଃଖ ଲାଗେ ବିସର୍ଜନ ବେଳେ

ଆଖି ଭାରି ଯାଏ ସତେ

ଆହେ ବିଘ୍ଣହର୍ତ୍ତା ଆଗତ ବର୍ଷକୁ

ରହୁ ଯେ ଅପେକ୍ଷା ରତେ ।

ଛବିରାଣୀ ପତି, ମଧ୍ୟ ଶାସନ,

ବିରିଡ଼ି, ଜଗତସିଂହପୁର ।

ଫୋନ୍ - ୯୩୩୭୯୬୦୦୬୦