ଛବି କଥା କହେ - ଯାଜ୍ଞସେନୀ ବେହେରା

ଜାଣିନି ମନ୍ତର ଜାଣିନି ତନ୍ତର

ଜାଣିନାହିଁ ପୂଜା ବିଧି

କୁନି ମନ ନେଇ ଆସିଛି ପ୍ରଭୁ ହେ

ଦିଅ ମତେ ବିଦ୍ୟା ବୁଦ୍ଧି l

ମୂଷିକ ର ପିଠି ମଣ୍ଡିଥାଅ ପ୍ରଭୁ 

ପ୍ରିୟ ସେ ଟିକି ବାହନ, 

ଚକ ଗାଡି ପରେ ତୁମ ବିଗ୍ରହ ଟି 

ଦିଶେ କେଡେ ଶୋଭାବନ l

କୁନି ହାତେ ମୋର ସଜେଇଛି ପ୍ରଭୁ 

ତୁମରି ପୂଜା ଆସ୍ଥାନ, 

ତୁମକୁ ନେଇ ମୁଁ ସ୍ଥାପନା କରିବି

ଖୁସି ରେ ନାଚେ ମୋ ମନ l

ବକ୍ର ତୁଣ୍ଡ ଆହେ ଗଉରୀ ନନ୍ଦନ

ଅଟ ପିତୃ ମାତୃ ଭକ୍ତ,

ଆଦେଶ ରେ ତାଙ୍କୁ କଲ ପରିକ୍ରମା

ମଣି ପୃଥିବୀ ର ଚାରି ପଟ l

ଅଗ୍ରପୂଜ୍ଯ ତୁମେ ହେ ଗଜାନନ

କର ପ୍ରଭୁ ଆଶୀର୍ବାଦ,

ଟିକି ମନ କୁ ମୋ ସ୍ପର୍ଶ ନକରୁ

ଦ୍ୱେଷ, ଦୁଃଖ ଓ ବିଷାଦ l

                ଯାଜ୍ଞସେନୀ ବେହେରା 

                ଆନନ୍ଦପୁର, କେନ୍ଦୁଝର