ଜ୍ଞାନର ମଧୁ - ଜୟଶ୍ରୀ ଖଟୁଆ

ଏ ଜୀବନ ସତେ ସାର୍ଥକ ଲାଗଇ

ଜ୍ଞାନ ମଧୁ ପାଇଗଲେ

ସେ ମଧୁ ଅଧିକ ସ୍ବାଦିଷ୍ଟ ଲାଗଇ

ସର୍ବତ୍ର ବାଣ୍ଟି ପାରିଲେ ।।

ଏ ଭବ ସଂସାରେ ସବୁଠୁ ଦାମିକା

ଚିଯ ଟି ଅଟଇ ଜ୍ଞାନ

ମୂର୍ଖ ବି ତାହାକୁ ନିଜର କରିଲେ 

ତା' ଜୀବନ ହୁଏ ଧନ୍ୟ ।।

ଏ ଜ୍ଞାନ ମଧୁକୁ ପାନ କରି ଯିଏ

ଗୁରୁ ପାଦ ସେବୁ ଥାଏ

ଜୀବନେ କେବେ ହେଁ ତାହାକୁ 

ଅଜ୍ଞାନ ଛୁଇଁ ନ ଥାଏ ।।

ଏ ପ୍ରକୃତି ଆମକୁ ପ୍ରତି ମୁର୍ହୂତ୍ତରେ

ଦେଇଥାଏ କେତେ ଜ୍ଞାନ

ବାଚାଳ ମନୁଷ୍ୟ ଭାବିଥାଏ ତାକୁ 

ପ୍ରକୃତିର ଏ ଯେ ଦାନ ।।

ଏ ଛୋଟ ପିମ୍ପୁଡି ଓ ବିହଙ୍ଗ ଠାରୁ

ମିଳଇ ଯେ କେତେ ଜ୍ଞାନ

ସ୍ବାର୍ଥରୋହିତ ମନୁଷ୍ୟ ତାହାକୁ 

ଦିଏ ନାହିଁ କାହିଁ ଧ୍ୟାନ ।।

ଏ ଜ୍ଞାନଗନ୍ତା ଘରେ ଜ୍ଞାନର ମଧୁ

ପାଇବା ଅତ୍ୟନ୍ତ କଷ୍ଟ

ପାଇଗଲେ ଥରେ ସେ ମଧୁ ସନ୍ଧାନ

ମହୀରେ ହୁଏ ସେ ଶ୍ରେଷ୍ଠ ।।

ଏ ଗୁରୁଙ୍କ ଅଗାଧ ପ୍ରଚେଷ୍ଟା ବଳରେ

ମିଳେ ସେ ମଧୁର ସନ୍ଧାନ

ଶିଷ୍ୟର ଚେଷ୍ଟା ଓ ନିଷ୍ଠା ସାଥିରେ

କରିଥାଏ ସେ ମଧୁ ସେବନ ।।

ଜୟଶ୍ରୀ ଖଟୁଆ

ନୂଆସାହି,କପ୍ତିପଦା,ମୟୂରଭଞ୍ଜ