ଜ୍ଞାନ ର ମଧୁ- ସୁଜାତା ପତି

   ଜ୍ଞାନ ଅସୀମ ଭଣ୍ଡାର

ଯେତିକି ବାଣ୍ଟିବା ସେତିକି ପାଇବା

  ଏ ସତ୍ୟ ଯୁଗ ଯୁଗର।

ମୂଲ୍ୟ ହୀନ ଆମ ଜୀବନ ହୋଇବ

    ନ ଥିବ ଯଦି ତ ଜ୍ଞାନ

ଯେତେ ଧନ ଥାଉ ଯେତେ ମାନ ଥାଉ

     ଅଲୋଡା ହୁଏ ଜୀବନ।

ଜ୍ଞାନ ଆହରଣ ବାଲ୍ୟକାଳୁ ମିଳେ

   ଦିଅନ୍ତି ମାତା ଓ ପିତା

ପ୍ରକୃତ ଜ୍ଞାନ ହିଁ ଗୁରୁ ଦେଇଥାନ୍ତି

    ଗୁରୁ ହିଁ ଜ୍ଞାନ ର ଦାତା।

ଜ୍ଞାନ ମଣିଷର ଭବିଷ୍ୟତ ଗଢେ

    ଜ୍ଞାନ ଅଟେ ଶ୍ରେଷ୍ଠ ଧନ

ଜ୍ଞାନ ସମୁଦ୍ର ରେ ବୁଡ଼ିଗଲେ ଆମେ

   ମିଳିବ ଯଶ ସମ୍ମାନ।

ଜ୍ଞାନ ଦ୍ବାରା ଆମେ ସଂସ୍କାରୀ ବୋଲାଉ

   ଜ୍ଞାନ ଦ୍ବାରା ଜ୍ଞାନବାନ

ଜ୍ଞାନ ର ମଧୁ କୁ ପାନ କଲେ ଆମେ

    ବଢିବ ଆତ୍ମ ସମ୍ମାନ।

  ସୁଜାତା ପତି

 ଭୁବନେଶ୍ୱର