କର୍ତ୍ତବ୍ୟ ର ବୋଝ - ଲିଜା ପଣ୍ଡା

 ଆକାଂକ୍ଷା ପୃଷ୍ଠା କୁ ନିତ୍ୟ  ଲେଉଟାଏ  ଜାଗୃତି ର ଏକାକିନୀ 

ପ୍ରାପ୍ତି ର କାମନା ଶୁଣି ପାରେନାହିଁ ବିକ୍ଷିପ୍ତ ଏ ପ୍ରତିଧ୍ଵନି  ।।

ଧରପୃଷ୍ଟେ ଦେହଧାରୀ ନାରୀ ରୂପେ 

ମୁଁ ଶିଶୁ କନ୍ୟା ନିଷ୍ପାପ,ନିର୍ମଳ ,ନିରୀହ ମୋ ରୂପ ।

ଭାଗ୍ୟବିଧି ସାଥେ କାଳ ର ପ୍ରହରକର୍ତା ଦାରିଦ୍ର୍ୟ ର 

ଉତ୍କଟ ଅଭାବ ପ୍ରହାର ରେ 

ଗଢିଛି ଆଜି ମୋର ଏହି ନିଷ୍ପେସିତ ସ୍ୱରୂପ।।

ନା ହୋଇଛି ଅକ୍ଲାନ୍ତ ନା ସାଜିଛି 

ପଥଭ୍ରଷ୍ଟ କର୍ତ୍ତବ୍ୟ ର ବୋଝ 

ସାଜିଛି ଆଜି ମୋ ପାଦର ଶିକୁଳି।

ବେଡ଼ିମୁକ୍ତ କରି ତାକୁ ଦେଇଛି 

ପାସୋରି ସେହି ସୁଖ , ଶାନ୍ତି, ସୌହାର୍ଦ୍ଦ୍ୟ ରୁ

 ଆସିଛି ଆଜି ମୁଁ ମୁକୁଳି ।।

  କ୍ଷଣିକ ସୁଖ ର ଆହ୍ଲାଦନ ନିତ୍ୟ ମୃତ୍ୟୁ ରୂପୀ 

ଜହର ପାଲଟିଛି ଭାବେ ନିଜକୁ ବଡ଼ ଅଭାଗିନୀ

ସ୍ଵାର୍ଥର ବନ୍ଧନ ରୁ କାହିଁ କେତେ ଦୂର କର୍ତ୍ତବ୍ୟ ର 

ବନ୍ଧନ କୁ ପାଳି ସଂସାର ଦୃଷ୍ଟି ରେ ସାଜିଛି ମୁଁ ବଡ଼ ସ୍ଵାଭିମାନୀ ।।

ମାଟି କାଦୁଅ ର ପ୍ରଶସ୍ତ ପଥ ଟେ ଆଜି ଭାରି ଆପଣାର ଲାଗେ 

ଫୁଙ୍ଗୁଳା ପାଦରେ ଗଣ୍ଠିଲି ରୁ ବୋଝ ଚିର ସ୍ମରଣୀୟ ଲାଗେ।।

ଅବଳା ନୁହେଁ ମୁଁ ସାହସୀ ବାଳିକା ନା ଅଟେ ମୁଁ ସଂସାର ର ବୋଝ 

ନିତ୍ୟ କର୍ମ କରି ପୋଷେ ମୋର ପେଟ ନମଣି ତାକୁ ମୁଁ କର୍ତ୍ତବ୍ୟ ର ବୋଝ ।।

ନାମ - ଲିଜା ପଣ୍ଡା

କେନ୍ଦ୍ରାପଡ଼ା, ତରାଣ୍ଡୋ