ନୁହେଁ ମୁଁ ଜମା ଦୁର୍ବଳ - ଶ୍ରୀମତୀ ସ୍ଵାଗତିକା ସାହୁ

ଚଢିବା ଆଗରୁ

ଦୁଃଖର ସମ୍ଭାର ନେଇ,

ବାହାରକୁ ଗୋଡ

କାଢିଛି ଖାଲିତ

ପେଟକୁ ପୋଷିବା ପାଇଁ  ||

ପିନ୍ଧିବାକୁ ନାହିଁ

ଜାମା ଖଣ୍ଡେ ମୋର

ଚପଲ କାହୁଁ ଆଣିବି,

କାଦୁଅ ରାସ୍ତାରେ

ଚାଲିଯାଏ ମୁହିଁ

ଜୀବିକା ପାଇଁ ଲଢ଼ିବି  ||

ମୋ ଭାଗ୍ୟରେ ନାହିଁ

ମାଆର ମମତା

ବାପାଙ୍କ ସ୍ନେହଁ ଶାସନ,

 ନାହିଁ କେହି ଦୁଃଖ

ଶୁଣିବାକୁ ମୋର

କୁଟୁମ୍ବ କି ପରିଜନ ||

ଝିଅଟିଏ ବୋଲି

ଡରଲାଗେ ମତେ

ମଣିଷଖିଆ ବାଘଙ୍କୁ,

କରମ ତ ଛୋଟ

ପେଟ ପାଇଁ ଖଟେ

କହିବି ଆଉ କାହାକୁ ||

ପାଠପଢ଼ା ଆଉ

ଚାଟଶାଳୀ ମୋର

ସ୍ୱପ୍ନରୁ ବହୁତ ଦୂର,

ତଥାପି ଡ଼ରିନି

 ନିଜ ଗୋଡ଼େ ମୁହିଁ

ହେଉଛି ଛିଡା ଏଥର ||

ଖେଳନା ବିକୁଛି

ଗଛ ଲଗାଉଛି

କରେ ମୁହିଁ କେତେକାମ,

ଛୋଟ ବୋଲି ମତେ

 ଭାବ ନାହିଁ ଜମା

ସଚ୍ଚୋଟ ମୋହରି ମନ ||

 ହାତପାତି ନାହିଁ

କାହା ଆଗେ ମୁହିଁ

ନୁହେଁ ମୁଁ ଜମା ଦୁର୍ବଳ,

କାଳିଆ ସାଆନ୍ତେ 

ଦେଉଥାଅ ମତେ

ତୁମ ଆଶ୍ରିର୍ବାଦ ବଳ ||

ଶ୍ରୀମତୀ ସ୍ଵାଗତିକା ସାହୁ

ଅଧ୍ୟାପିକା

ତୁମୁଡିବନ୍ଧ

କନ୍ଧମାଳ