ସଂଘର୍ଷ - ସୁବାଷ ଚନ୍ଦ୍ର ବେହେରା

ହଜିଗଲା ସ୍ୱପ୍ନ ସବୁ ମୋର, 

କେଁଉ  ଅମା ଅନ୍ଧାର ଭିତରେ I 

ପିଲା ମେଳେ ଗାଁ ଦାଣ୍ଡେ, 

ଧୂଳି ମାଟି ବାଲି ଘର ଖେଳ ଛାଡି, 

ନିର୍ଜନ ପଥରେ  ମୁଁ  ସାଜିଛି  ବାଟୋଇ I 

ଏଇତ ଆରମ୍ଭ ମାତ୍ର I 

ପଥ ବହୁ ଦୂର...

ତଥାପି  ଚାଲୁଛି ଚାଲିବି ମୁଁ I 

ଦୃଢ଼ କରି ସଂକଳ୍ପ ମୋହର I 

ପରିଚୟ ହଜିବା ଆଗରୁ, 

ବଢିବାକୁ, ଗଢିବାକୁ ହେବ, 

ମୋର ସ୍ବପନର ଭବିଷ୍ୟତ I 

ଭୁଲି ସବୁ ଅତୀତର ବ୍ୟଥା, 

ସାମାଜିକ ଶୃଙ୍ଖଳ ଛିଡ଼ାଇ I 

କୋମଲ ହାତ, ପାଦରେ ,

ଭାଗ୍ୟ ସହ କରିବି ଲଢ଼େଇ,  

ନିଷ୍ଠାପର କର୍ମ ଯୋଗୀ ସାଜି,

ନିଜ ମୁଣ୍ଡେ ମୁଣ୍ଡେଇ ମୋ ବୋଝ, 

ଭାଗ୍ୟକୁ ଆଦରି ନନେଇ ,

କର୍ମ କରି କରିବି ଲଢେଇ I 

ନିଜକୁ ଉଦ୍ଧାର କରି ,

ଲେଖିବି ମୁଁ ନୂଆ ଇତିହାସ, 

କୋମଳମତି ଶିଶୁଙ୍କୁ ଲାଗି, 

ଦେବି ନୂଆ ଚେତନା ର ବାର୍ତ୍ତା I 

ହାରିଯାଇ ବୀତସ୍ପୃହ ହୁଅ ନାହିଁ, 

ଜୀବନ ଯୁଦ୍ଧରେ, 

ଅଭ୍ୟାସ କର ବୋହିବାକୁ, 

ନିଜ ବୋଝ ନିଜର ମୁଣ୍ଡରେ, 

ପ୍ରଣମିବ ଏ ସାରା ଦୁନିଆ ଦିନେ, 

କୋଟି ଯଶ ଲଭିବ ସଂସାରେ I 

ଭବିଷ୍ୟତ ପୀଢି ଲାଗି, 

ହେବ ତୁମେ ଆଲୋକ ବର୍ତ୍ତିକା I 

ସୁବାଷ ଚନ୍ଦ୍ର ବେହେରା 

ଅଥଙ୍ଗା ,ନିଆଳି, କଟକ