ଫୁଙ୍ଗୁଳା ପାଦ - ଶ୍ରୀ କିଶୋର ଚନ୍ଦ୍ର ଜେନା

ଆକାଶେ ଘୋଟିଛି ମେଘ ମାଳ ମାଳ

ବତୁରା ବତୁରା ରାସ୍ତା

ଏକାକୀ ଚାଲିଛି  ଅଲୋଡା ଦୁହିତା

ମୁଣ୍ଡ ରେ ଲଦିଛି ବସ୍ତା || ୧

ଜାଗ୍ରତ ମିଶ୍ରିତ ଅଳସୀ  କଟକ

ପ୍ରଭାତ ରେ ମେଘାଛନ

ବସ୍ତି ଅଞ୍ଚଳର   ରାସ୍ତା ବର୍ଷାରେ

 ଭିଜୁଅଛି ଘନଘନ  || ୨

ମୋ ମାଟି ରାସ୍ତାରେ ଗାଡି ଚକା ଚିହ୍ନ

ସତେ ଅବା  ଶୋଇ ଯାଇଛି ,

ରାସ୍ତାର  ଉଭୟ ପାର୍ଶ୍ୱ ରେ ତ୍ରିତଳ ପ୍ରାସାଦ

ଆକାଶ କୁ ଚାହିଁରହିଛି ||୩

ଫୁଙ୍ଗୁଳା ପାଦରେ କୁନି ବାଟୋଇ ଟି

ମୁଣ୍ଡରେ ଲଦିଛି ବୋଝ ,

ଅସଜଡା ଜାମା ଆଛାଦିତ ତନୁ

ହରାଇ ଦେଇଛି ତେଜ  ||  ୪

ବେଦନାସିକ୍ତ  ବଦନ ରେ ନୈରାସ୍ୟ ,

କ୍ଷୁଧା ର ଅସୀମ ଯନ୍ତ୍ରଣା

ତଥାପି ଚାଲିଛି  ଆଗକୁ ଆଗକୁ

ନ ହୋଇ ବାଟ ବଣା  || ୫

ନିୟତି  ଖେଳ ର  କ୍ରୁର  ପରିଣତି

ଭୋଗୁଛି ନିରିହ କନ୍ୟା

ବୋହି ଯାଉଛି ନିର୍ଲିପ୍ତ  ଜୀବନ ର

ନୟନୁ ଅଶ୍ରୁ ର ବନ୍ୟା   || ୬

ଶିକ୍ଷା ସଚେତନତା ଉଣା ରହିଛି

ଯାତନା କି ଭାଗ୍ୟ ଲେଖା

ଦୁଃସ୍ଥ ଜୀବନ କୁ  ନିରାକାର ସାହା

କହନ୍ତି ମିଳିଲେ ଦେଖା  || ୭

****************

ଶ୍ରୀ କିଶୋର ଚନ୍ଦ୍ର ଜେନା ,୯୪୩୯୨୮୩୨୮୪

ନରସିଂହପୁର ,ହରିପୁରହାଟ ,କବିରପୁର

ଜି, ଯାଜପୁର .